[Puisi] Lindu - Parlan Aris

Lindu

Seratan Parlan Aris

Cahyane srengenge esuk iki wis samsaya anget,

Najan sejatine hawa esih adem,

Aku sing lagi ndekem, mingkem.

Dumadakan jengglirat tangi mlayu saka njero umah,

Udu merga disiram banyu simbah,

Nanging kaget ambene obah.

Lampu gantung geang-geong ora genah.

Lindu!

Suara sebelah umah,

Jejeritan ngemutna ben polah,

Kumpul nang njaba,

Karo ngrundeng donga apa udu ra mudeng,

Astaghfirullah.

Mestine,

Inget Gusti kang nguwasani bumi.

Innalillahi wa inna ilaihi raji'un, Allahumma ajirhum fii mushibatihim, wa akhlif lahum khoiran minha.

Bandung, 18-09-2024.